Lass uns über Schmerz reden

Lah eus über dr Schmerz rede, lah eus über d Einsamkeit rede

‍

Lah eus über dr Schmerz rede, lah eus über d Einsamkeit rede.

Wies isch, innerlech z stärbe.

Wenn du i dim Zimmer sitzisch und du innerlech zerbrichsch, will s Leid i dim Herz, so überdurchschnittlech gross isch.

Lahs eus drüber rede, wies isch, öpper z vermisse.

Hau di Chopf ad Wand, nume usse dermit.

Chum nur no biz nöcher, ich zeigs dir scho.

Ich zeig dir de Schmerz.

Ich zeig dir die Narbe.

Ah was, s schreckt di ab?

Z viel Nöchi?

Z viel Schmerz für dich?

Zu asträngend?

Nid i Wattepölsterli verpackt?

Im falsche Ton?

‍

Duet mer leid, chasch du mich nid trage.

Sorry, bini für dich nur e Dramaqueen.

Aber hey, scho mal drüber nache denkt, wie sechs für mich ahfüehlt.

Scho mal studiert, wies isch, de Schmärz jede Tag z gspühre?

Es zerfrisst mich.

Vo dir hets nur es Stück abbisse, aber ICH bin dr Schmerz.

‍

Du bisch meh als dini Gfüehl, so en Bullshit.

We du gstüret wirsch, du alles probiersch, dasd die Emotione wegbechunnsch und eifach de scheiss Ussschaltchnopf nöd findsch, was machsch denn?

Hä?

Was machsch denn?

‍

Viel Spass bim furt renne, nimmsch mich bitte gad mit und vergrabsch mich irgendwo, wos schön isch.

Denn hie bi mir ischs Dunkel.

Ich bin einsam.

Du findsches schön, dini Rueh z ha. Nice.

Nice to meet you.

Wo träffe mer eus?

I dim super usgschmückte Läbe, wo du so glücklech bisch? Du bisch glücklech?

Schön für dich.

Aber säg mal, wie chasch du nur glücklech sii.

Gsehsches nid, eusi Gsellschaft gaht rasend schnell dr Bach runter.

Checksches nid?

‍

Du mit dire scheiss Oberflächlechkeit.

Ah was, ich han probiert dich us dire Comfortzone z hole?

Wie dreist isch denn das vo mir, hm?

Wie hani ses nur chöne wage.

Aber ganz ehrlech, bliib doch bitte dört, wot bisch.

Behandle mich wiiterhin wie Luft.

Luft bruucht me zum Atme, haha.

Ich lach mich z tot.

Als würsch du mich bruuche.

So en Witz.

Jedes Mal wenn wir lachen, stirbt irgendwo ein Problem.

Ja, Fun fact, ich bin gstorbe.

Für dich.

‍

Und denn chömme alli, us de hinderste Egge, mit ihrne scheiss Facebook Philosophie Sprüch:

‍

Gib nid uf.

Du bisch guet, wie du bisch.

Du bisch öbis Bsundrigs.

Du bisch mega hübsch und toll, aber du interessiersch mich en Scheiss, will ich ha kei Platz für dich i mim Lebe.

Und ich, sitz nur da, i mim Zimmer und füehl mich untragbar.

Was isch us derre Gsellschaft worde.

S cha ja nid sii.

Ich han mi Glaube ad Mönschheit verlore.

‍

Du verurteilsch mich, für die Fehler, wo du scho x1000 mal gmacht hesch,

Top, Auge um Auge, Zahn um Zahn.

Wie söll das funktioniere?

‍

Bliib nur i dim fucking Safe Space und wird glücklech dert.

Du mit dire neue Fründin.

Hoffe sie git dir all das, wo ich nie han chönne, egal, wärdet glücklech und när stärbet.

Mich muesch nid welle füre näh.

Die ganz Welt bestaht nur no us Fakes.

Du bisch ja so viel, hesch so viel z biete, gsehsch mega heiss und sexy us, aber läng mich ja nid ah.

Berüehr mich ja nid, oder what?

Alles nach dine Regle.

Red mit mir, aber ja nid z viel.

Am beste bliibsch bi dim schwiige.

Huere Bipolar, bini zwar nid, aber probier mal dini x1000 Gedanke ufenes Blatt Papier z schriibe.

Früecher versus Heute.

What? Huere Mist.

Zu ahänglech? Nüm bi dir, ah wart - gliich immerno, mini Gedanke sii und bliibet bi dir, au wennis nid wot.

Top, ich kämpf dr ganz Tag dergäge, nöd a dich müesse z dänke oder dich nöd z vermisse und när erschiensch mir im Traum.

Din ernst? / Min ernst?

Oh sorry, ich weiss gar nid, wieso ich dir hinger nache renne.

Cha irgendöpper das bitte stoppe.

Wo isch d Notbrems?

Zu befange?

Für dich, bin ich eh nur öbis, wo dich zerdrückt het.

Hm,du hesch also probiert, Jahrelang mich ine Schublade z stecke und hesch när ussegfunde, das ich dert drinn gar kei Platz ha.

Muess ja nid erwähnt wärde, das ich no gern dert drinn wür stecke, oder.

Ja hesch recht, ich bin asträngend.

Ja ich gibs zue, ich bruuch viel Liebi und Ufmerksamkeit.

Ja, nur einisch, all Schaltjahr mit dir kuschle, het nid glängt.

Ja ich bruuch viel Liebi.

Ja, ich han viel mit dir kommuniziert.

Au immer wiider über s gliiche Thema, au wenni gwüsst ha, das mir kei Lösig wärde finde.

Ja, ich han nur uf dir baut und nid uf mir.

Ja, ich han Platz für dich i mim Läbe gschaffet, ich han alles woni ka han ufgäh um mit dir zämme z läbe.

Wie naiv, lustig, dass ich sit du dich vo mir trennt hesch, keis richtigs daheim meh ha.
Klar hani en Wohnig, aber mis Daheim, isch vom Herze nah, immerno bi dir.

So behinderet.

Ja, ich han dir alles vo mir zeigt.
Scheiss gstörte Mönsch und fuck off a all mine Dämone und dunkle Wäse.

Ja, das si viel Emotione, Achterbahnfahrte und tüüfi Iiblick.

Und nei, das alles het mich nie würk attraktiv gmacht.

‍

Aber weisch was, das nennt me Herz.

Chunnt dir das bekannt vor?

Herz.

Gfüehl.

Emotione.

Prioritäte setze.

‍

No nie öbis kört dervo?

Wie schön für dich.

‍

Ich bin nid uf dire Prioritäteliste?

Schad.

Chasch mir säge, wie ich dich us mire Liste cha striiche?

‍

Ah itz hesch plötzlech Zyt?

Ah nei doch nid, heschs nur gseit und dich när nüm gmäldet.

Tolls abmache, füehle mich richtig geehrt.

Danke viel mal für dini Zyt.

Het mich mega gfröit, dich fasch wiider zrugzbecho.

Ir Nacht knuddle nach dr Trennig, isch de gange, aber nid düre Tag.

Denn wärs ja real gsi, haha.

Backflash.

Desöfteren no gseh und huere viel Zyt zämme verbracht.

Ich han dir alles gäh.

Han sogar dini Bewerbig usgfüllt und abgschickt, viele dank für die neu Stell hesch gseit.

Bitte isch gern gscheh.

Din Erfolg uf mim Rugge ufbaut und när bisch wäg gsi.

‍

Du machsch es hin und her, aber ich bi asträngend.

Du bruuchsch niemmer wie mich?

Denn verpiss dich bitte.

‍

Huch, nur en Scherz gsi, gang bitte nid.

Verlah mich nöd, ich bruuch dich.

‍

Behandle mich bitte wiiterhin so scheisse.

Und jedes Mal, wenn du pfiffe hesch, chum ich z renne.

Besser als en Hund.

Scheiss Borderliner.

‍

Ups, hanis echt luut usgsproche, wart mal, hämmer nid welle über dr Schmerz rede?

‍

Welle Schmerz?

Sisch doch alles guet.

S Lebe isch ja schliesslech kei Ponyhof.

Also würk Silä, itz stell dich doch nöd so a.

Also bitte.

Muesch dich selber gern ha, s muess niemmer vo dir überzügt wärde.

Jaja.

Schön hämmer drüber gredet.

Aber wieso verdammt, wecke alli Mönsche das Gfüehl i mir.

Wie oft muessi no a s gliiche Muster grate?

So lang, bis ich glernt ha, mich selber z liebe?

Eue Ärnst?

Also we das Verhalte, wo DU/ DIR ALLI tagtäglech as Liecht bringsch/bringet, Selbstliebi isch, möchtis nid.

Sorry, aber nei danke.

‍

Denn bliibe ich lieber de Mönsch, woni itz bin.

Denn ich han kei Angst vor Emotione.

Ich fürchte mich nid dervo, mini Zyt a öpper z verschwände.

Ich kommuniziere gern und viel und wenn mich irgendöpper bruucht, bini da.

Ich legöpperem wes muess sii, mis Härz vor d Füess.

Scheiss egal, wie oft me no wot druff trätte.

Ich bin hie, mit tuusig Füürzüg und mache d Mönsche uf mich ufmerksam, au wes sie gar nid verdient hei.

Ich bruuch kei Safe Space.

Ich muess niemmer  vo mir wäg drücke, ich han kei Angst, das mir öpper z nöch chunnt.

Und regelmässig z kommuniziere, macht mir au kei Angst.

Es überforderet mich au nöd, schwierigi Themene azspräche oder Konflikte z sueche.

Nur so cha me se löse.

Ich has nöd nötig, hingerdure z gah und über öpperd ga z lästere.

Und ja, mängisch vergrieffi mich im Ton.

Scho mal öbis vomne emotionale Kontrollverlust kört?

Nö, schiint für die hütig Gsellschaft es Fremdwort z si.

Chum bück dich und funktionier.

Häb d Schnurre und zieh dr Chopf i.

Am beste frissisch alles i dich inne und bringsch dich ner um.

Nume nüt säge.

Ja nid anders sii.

Red Flag.

‍

Aber weisch, ich lieb Deep Talk, es git keis Thema, woni nid drüber rede würd.

Ich bin gern tiefgründing und zeige dir gern, wer ich bin.

Ich han nüt z verstecke, das kört alles zu mir.

Alli negativi und positivi Parts sind mich.

So bin ich.

Ich han das über Jahre hinweg müesse lerne.

Früecher hani alles i mich inne gfrässe und mich när gritzt oder mich sogar probier umzbringe.

Ich han mini Emotione mit niemmerem teilt.

Nur han ich das müesse ändere.

Das nennt me s Läbe teile.

Das nennt me Verletzige i Chauf näh.

Das nennt me unabsichtlechs verletzte und uf Verständnis hoffe, aber me kennt mini Gschicht ja nid.

S duet mer leid, ich has nid absichtlech gmacht.
Ich bin a mir am schaffe, au wes niemmer merkt.

Das nennt me Emotione und Gfüehl und herti Arbeit.

Das nennt me öbis id Prioritäteliste z setze.

Ich wird nie so Chalt sii wie ihr.

Ich bin kei Player.

Alles isch echt, alles isch real.

Das bin ich.

Und ich bin z viel für die Welt.

Untragbar, es Sicherheitsrisiko.

Deswege füehle ich mich einsam.

‍

Also, hani gnue übere Schmerz gredet?

Isch eher en Singledialog gsi, so wie alles i mim Lebe.

Einigi Sache ändere sech nie.

Itz darfsch mi wiider ignoriere.

Chasch wiider wegluege.

Klappe zu, Affe tod.

‍

( Wenn me alles zämme nimmt, wo mich gad beschäftigt, tönts genau e so )